چیئرمین اسلامی نظریاتی کونسل سمیت7 ارکان کی مدت مکمل

ڈاکٹر راغب نعیمی اسلامی نظریاتی کونسل کے چیئرمین کیلیے دوسری بار بھی موسٹ فیورٹ

اسلام آباد ( نمائندہ خصوصی) اسلامی نظریاتی کونسل، چیئرمین سمیت 7 ارکان کی آئندہ ماہ مکمل ہوجائیگی، دو ماہ بعد نئے اسلامی نظریاتی کونسل کے چیئرمین کا تقرر ہوگا، ذرائع کے مطابق چیئرمین ڈاکٹر راغب حسین نعیمی سمیت 7 ارکان 31 اکتوبر تک اپنی مدت پوری کرلیں گے البتہ اسلامی نظریاتی کونسل کے چیئرمین کیلئے ایک مرتبہ پھر ڈاکٹر راغب حسین نعیمی فیورٹ قرار دیئے جارہے ہیں ، آئندہ تین سال کیلئے مزید بطور چیئرمین نظریاتی کونسل تقرری عمل میں لائی جاسکتی ہے۔ واضح رہے کہ ڈاکٹر عبد الغفور راشد، جسٹس (ر) الطاف ابراہیم قریشی ، مس فہمیدہ رحیم ، ملک الطاف بخش کلیار، محمد جلال الدین، صاحبزادہ پیر خالد سلطان القادری اور ظفر اقبال چوہدری 31 اکتوبر 2025ء تک اپنی تین سالہ مدت پوری کرکے ریٹائر ہو جائیں گے ۔ ذرائع کے مطابق نئے ممبران کے تقرر کیلئے جلد اگلے ناموں کا اعلان کیا جائیگا،آئینی طور پر اسلامی نظریاتی کونسل کے خاتون سمیت 20 ممبران لازمی ہے ، مختلف علماء، مشائخ اور مذہبی سکالرز کے ناموں پر غور کے بعد فیصلہ ہوگا، اسلامی نظریاتی کونسل کے ممبران کی حتمی منظوری صدر مملکت دینگے۔

About The Author

pindiwaly

See author's posts