قومی بیانیہ کی تشکیل کیلئے قومی پیغام امن کمیٹی قائم

حافظ طاہر اشرفی کوآرڈینیٹر، ڈاکٹر راغب نعیمی، علامہ عارف واحدی، پیر نقیب الرحمان، مفتی عبدالرحیم کمیٹی میں

شامل، کمیٹی غیر مسلم کمیونٹی کی اہم شخصیات بھی شامل

اسلام آباد ( نمائندہ خصوصی) وزارت اطلاعات و نشریات نے وفاقی حکومت کی منظوری سے قومی بیانیہ کی تشکیل کے لئے اہم قومی پیغام امن کمیٹی تشکیل دیدی

وزارت اطلاعات و نشریات نے قومی بیانیہ کی تشکیل کے لئے قومی پیغام امن کمیٹی (این پی اے سی) کے قیام کا نوٹیفیکیشن جاری کر دیا

یہ کمیٹی قومی کمیٹی برائے تشکیل بیانیہ کی ذیلی کمیٹی ہوگی

قومی پیغام امن کمیٹی انتہاء پسندی، دہشت گردی کے خاتمے فرقہ واریت، اور نفرت انگیز تقاریر کے لئے قومی سطح پر متفقہ بیانیہ مرتب کرنے کی ذمہ داری نبھائے گی، نوٹیفیکیشن

کمیٹی کی سربراہی وفاقی وزیر اطلاعات و نشریات کریں گے، نوٹیفیکیشن

کمیٹی میں مختلف مکاتب فکر کے جید علماء کرام، مشائخ، اقلیتوں کے نمائندگان ور متعلقہ وزارتوں کے اعلیٰ حکام شامل، نوٹیفیکیشن

کمیٹی کے اراکین میں سینیٹر حافظ عبدالکریم، مفتی عبدالرحیم، علامہ عارف حسین واحدی، پیر نقیب الرحمان، علامہ محمد حسین اکبر، ڈاکٹر محمد راغب حسین نعیمی شامل

مولانا طاہر محمود اشرف (کوآرڈینیٹر این پی اے سی)، مولانا طیب پنج پیری، علامہ ضیاء اللہ شاہ بخاری بھی کمیٹی کے ارکان میں شامل

کمیٹی میں اقلیتوں کی نمائندگی بشپ آزاد مارشل، راجیش کمار ہرداسانی اور سردار رمیش سنگھ اروڑہ کریں گے

صوبائی و علاقائی پیغام امن کمیٹیوں کے کوآرڈینیٹرز، منظور شدہ مدارس بورڈز کے نمائندگان، وزارت داخلہ اور وزارت مذہبی امور کے ایڈیشنل سیکریٹریز، ڈائریکٹر جنرل مذہبی تعلیمات (ڈی جی آر ای) بھی کمیٹی میں شامل

وزارت اطلاعات و نشریات کے ڈائریکٹر جنرل انٹرنل پبلسٹی ونگ بطور سیکریٹری کمیٹی خدمات انجام دیں گے

کمیٹی اپنی پہلی میٹنگ میں تفصیلی ضوابط کار (ٹی او آرز) مرتب کرے گی، نوٹیفیکیشن

ٹی او آرز کو نیشنل کمیٹی آن نیریٹو بلڈنگ کی منظوری کے لئے پیش کیا جائے گا

About The Author

pindiwaly

See author's posts